Ucarda ölümlə nəticələnən yol qəzası baş verib

Ucarda yol-nəqliyyat hadisəsi baş verib. Qəza gecə saatlarında Bakı-Qazax əsas magistral yolunun Ucar rayonun Ənvər Məmmədxanlı kəndindən keçən hissəsində qeydə alınıb. Avtosfer.az salamnews-a istinadən xəbər verir ki, rayonun Qaracallı kənd sakini, 24 yaşlı İsayev Razi Zülfüqar oğlunun idarə etdiyi VAZ-21099 markalı minik maşını ilə "KamAZ" markalı yük maşını toqquşub. Nəticədə minik avtomobilinin sürücüsü R.İsayev hadisə yerində ölüb. Faktla bağlı Baş Dövlət Yol Polisinin İstintaq və təhqiqat şöbəsində Cinayət Məcəlləsinin 263-cü maddəsi ilə cinayət işi başlanılıb.