Uqandada ağır yol-nəqliyyat hadisəsi: 14 nəfər həyatını itirdi

Uqandada Kalunqu bölgəsində yerləşən Kamunqa Ticarət Mərkəzinin yaxınlığında baş verən ağır yol-nəqliyyat hadisəsi nəticəsində 14 nəfər ölüb.

Avtosfer.az xəbər verir ki, bu barədə "Associated Press" məlumat yayıb. Bildirilib ki, sərnişin daşıyan mikroavtobusun yük maşını ilə toqquşması nəticəsində mikroavtobusda olan daha dörd nəfər müxtəlif dərəcəli bədən xəsarətləri alıb.

Məlumata görə, qəza törətdikdən sonra hadisə yerindən qaçan yük maşını sürücüsünün tapılaraq istintaqa cəlb edilməsi üçün axtarış tədbirlərinə başlanılıb.

Qeyd edək ki, Uqandada nəqliyyat vasitələrinin texniki baxımsızlığı, sürət həddinin mütəmadi aşılması və yol infrastrukturunun yetərsizliyi səbəbindən bu cür yol qəzaları tez-tez baş verir./oxu.az