Uşaq avtomobilin altına düşdü və sağ qaldı - Video

Böyük Britaniyanın Sauthempton şəhərində avtomobil yolunu skuterlə keçən uşaq ölümdən qurtulub. Saatda 50 kilometr sürətlə hərəkət edən sürücünün yoluna qadın və üç uşağı çıxıb. Ana, onlardan ən kiçiyini dayandıra bilməyib. Uşaq yolun hərəkət hissəsinə çıxaraq, düz avtomobilin altına diyirlənib. Zərbə avtomobilin arxa təkəri ilə dəyib. Hadisədən sonra sürücü əyləci basaraq, avtomobildən ensə də, qadın onu əl işarəsi ilə dayandırıb. Ana uşağını yolun qırağına apardıqdan sonra, onun skuterini də götürüb.

Yol-nəqliyyat hadisəsini əks edən video sosial şəbəkədə yayıldıqdan dərhal sonra, ananın günahkar olması haqqında mübahisələr doğurub. Az qala faciə ilə bitəcək yol-nəqliyyat hadisəsinin görüntüsünə, 10 mindən çox adam baxıb. İstifadəçilər qeyd ediblər ki, körpə dəbilqədə olub. Çox güman ki, məhz bu da onu ciddi xəsarət almaqdan xilas edib. Polisin məlumatına görə, uşaq zərər çəkməyib. (Avtoreyd)