"VAZ-2107" aşdı: 1 ölü, 3 yaralı - Füzulidə

Füzuli rayonunda ölümlə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə rayonun Alxanlı kəndi ərazisində qeydə alınıb. Belə ki, həmin  kəndin sakini Babək Qurbanov idarə etdiyi "VAZ-2107" markalı avtomobili aşırıb. Nəticədə sürücü B.Qurbanov və sərnişinləri - Taciəddin Qurbanov, Loğman Qurbanov və Zamiq Məmmədov  müxtəlif dərəcəli bədən xəsarətləri ilə Füzuli Rayon Mərkəzi Xəstəxanasına yerləşdirilib. Yaralılardan T.Qurbanov orada ölüb. Faktla bağlı Füzuli Rayon Polis Şöbəsi tərəfindən araşdırma aparılır.