"VAZ-2107" elektrik dirəyinə çırpılıb: xəsarət alanlar var

Mingəçevirdə iki nəfərin xəsarət alması ilə nəticələnən yol-nəqliyyat hadisəsi baş verib. Hadisə N. Nərimanov küçəsində qeydə alınıb. Belə ki, "VAZ-2107" markalı avtomobilin sürücüsü nəqliyyat vasitəsinə idarəetməni itirdiyindən avtomobil elektrik dirəyinə çırpılıb. Hadisə nəticəsində 1988-ci il təvəllüdlü Ağdaş rayon sakini Rəşad Xasıyev və 1989-cu il təvəllüdlü Mingəçevir şəhər sakini Röyal Atakişiyev ağır xəsarət alıblar. Yaralılar Mingəçevir Şəhər Mərkəzi Xəstəxanasına çatdırılıblar.

Faktla bağlı araşdırma aparılır.