Velosiped sürən gənci maşın vurdu - Vəziyyəti ağırdı

Lənkəranda yol-nəqliyyat hadisəsi baş verib. Avtosfer.az-ın məlumatına görə, hadisə köhnə Ələt-Astara magistralının Lənkəran rayonunun Gərmətük qəsəbəsi ərazisindən keçən hissəsində qeydə alınıb. Hərəkətdə olan minik avtomobili velosiped sürən 2006-cı il təvəllüdlü, Yuxarı Nüvədi kənd sakini Elvin Murad oğlu Quluzadəni vurub. Nəticədə müxtəlif dərəcəli bədən xəsarətləri alan E.Quluzadə Lənkəran Rayon Mərkəzi Xəstəxanasının Təcili Yardım Şöbəsinə çatdırılıb. Həkimlərin verdiyi məlumata görə, onun vəziyyəti orta ağır qiymətləndirilir. Faktla bağlı araşdırma aparılır.