Vitse-prezidentin avtomobil karvanı qəzaya düşdü: 1 yaralı

ABŞ-ın vitse-prezidenti Co Baydenin  avtomobil karvanı qəzaya düşüb. Avtosfer.az Rusiya mətbuatına istinadən xəbər verir ki, insident yerli vaxtla saat 08:30-da Uilminqton şəhərində qeydə alınıb.

Kortejdə olan nəqliyyat vasitələrindən biri idarəetməni itirərək 3 avtomobilə çırpılıb.

Hadisə nəticəsində 1 nəfər xəsarət alıb. Onun xəstəxanaya yerləşdirildiyi və həyatına təhlükə olmadığı bildirilir. Qəza zamanı vitse-prezident Co Baydenə zərər dəyməyib.