Xaçmaz-Quba yolunda iki maşın aşdı

Xaçmaz rayonu ərazisində yol qəzası baş verib. Avtosfer.az apa-ya istinadən xəbər verir ki, hadisə Xaçmaz-Quba yolunun 4-cü kilometrliyində qeydə alınıb. Yolda iki "VAZ 2106" markalı maşın yoldan çıxaraq aşıb. Qəzalar nəticəsində xəsarət alan olmayıb. İlkin ehtimala görə, qəzalara səbəb yük maşınlarından yola dağılan çınqıl olub. Sürətlə hərəkət edən avtomobillər birdən çınqılın üzərinə çıxıblar və idarəetməni itirərək aşıblar.