Xaçmazda 44 yaşlı kişi avtomobillə vurulub

Bu gün səhər saatlarında Xaçmaz rayonu ərazisində yol-nəqliyyat hadisəsi baş verib.

Avtosfer.az xəbər verir ki, bu barədə apa-nın şimal bürosunun verdiyi məlumata görə, Gəndob - Yalama yolunun Xaçmaz şəhəri ərazisində, magistralın 26-cı km-də “VAZ - 2106” markalı avtomaşın piyada, 1972-ci il təvəllüdlü Əfəndiyev Təbriz İkram oğlunu vurub. Xaçmaz Mərkəzi Rayon Xəstəxanasına yerləşdirilən xəsarət alan şəxsin vəziyyəti ağırdır. 

Faktla bağlı Baş Dövlət Yol Polis İdarəsinin istintaq və təhqiqat bölməsində araşdırma aparılır.