Xaçmazda avtomobil at arabası ilə toqquşdu: 1 ölü - FOTO

Oktyabrın 16-sı gecə saatlarında Xaçmaz rayonu ərazisində ölümlə nəticələnən yol-nəqliyyat hadisəsi baş verib. Avtosfer.az azərtac-a istinadən xəbər verir ki, hadisə Gəndov-Yalama yolunun Xaçmaz rayonunun Mehrəliqışlaq kəndi ərazisindən keçən hissəsində baş verib. Siyəzən sakini Şamil Ələkbərovun idarə etdiyi "Mercedes Vito" markalı avtomobil Bakı şəhəri istiqamətində hərəkətdə olan zaman gözlənilmədən qarşısına çıxan at arabası ilə toqquşub. Arabada olan, rayonun Qaradağ Buduq kənd sakini, 62 yaşlı Nuru Zeynalov aldığı bədən xəsarətlər nəticəsində hadisə yerində ölüb. Faktla bağlı araşdırma aparılır.