Xaçmazda avtomobil qəza törətdi: 27 kənd qazsız qaldı - FOTO

Xaçmazın Qusarçay kəndi istiqamətində istismarda olan qaz xətti naməlum avtomobil tərəfindən vurularaq qırılıb.

Avtosfer.az AZƏRTAC-a istinadla xəbər verir ki, qəza ilə əlaqədar rayonun 27 kəndində 6500-dən çox abonentə qazın verilməsi dayandırılıb.

Xaçmaz Regional Qaz İstismarı İdarəsindən bildirilib ki, ortatəzyiqli yeraltı polietilen qaz xəttindən ayrılan 159 mm-lik qaz xətti hazırda təmir olunur. Günün ikinci yarısında kəndlərə təbii qazın verilməsi nəzərdə tutulub.

Faktla bağlı hüquq-mühafizə orqanlarına müraciət olunub.