Xaçmazda qəzada ölən sürücünün şəxsiyyəti məlum olub - YENİLƏNİB

Xaçmaz rayonunda baş verən qəzada ölən şəxsin kimliyi məlum olub.

Avtosfer.az "Report"a istinadən xəbər verir ki, bu, rayonun Keymərət kənd sakini 1969-cu il təvəllüdlü Əzizov Rəsul Yunus oğludur. 

*** saat 10:10

Xaçmaz rayonunda ölümlə nəticələnən yol-nəqliyyat hadisəsi baş verib. 

Avtosfer.az "Report"a istinadən xəbər verir ki, hadisə Xaçmaz-Quba avtomobil yolunda, rayonun Ağyazı Buduq kəndi ərazisində qeydə alınıb.

Belə ki, "VAZ-2106" markalı avtomobil  hərətkətdə olan zaman sürücü idarəetməni itirib və yolun kənarına aşıb. Bir neçə  dəfə çevrilən avtomobilin hələlik şəxsiyyəti məlum olmayan sürücüsü hadisə yerində ölüb.

Hadisə yerinə Xaçmaz Rayon Mərkəzi Xəstəxanasının (RMX) təcili tibbi yardım maşını gəlib. Meyit müayinə olunmaq üçün Səhiyyə Nazirliyinin Məhkəmə Tibbi Ekspertiza və Pataloji Anatomiya Birliyinə aparılıb.

Faktla bağlı Xaçmaz Rayon Polis Şöbəsi tərəfindən araşdırmalara başlanılıb.