Xaçmazda velosipedçini maşın vurub - FOTO

Xaçmaz şəhərində yol-nəqliyyat hadisəsi qeydə alınıb.

Avtosfer.az xəbər verir ki, bu barədə apa-nın şimal bürosunun verdiyi məlumata görə, 90 OP 043 dövlət nömrə nişanlı “Mercedes” markalı avtomaşın şəhərin Nəriman Nərimanov küçəsində hərəkətdə olan velosipedçini vurub. Müxtəlif bədən xəsarətləri alan 1993-cü il təvəllüdlü Absəlimov Kamil Ədalət oğlu Xaçmaz Mərkəzi Rayon Xəstəxanasına yerləşdirilib. Onun vəziyyətinin stabil olduğu bildirilir. 

Faktla bağlı Xaçmaz rayon Polis Şöbəsində araşdırma aparılır.