Xanım sürücü Ələt-Astara yolunda avtomaşını aşırdı

Bu gün axşam saatlarında Ələt-Astara avtomobil yolunun Kür çayının üzərindən keçən hissəsinəı yaxın ərazidə 38 yaşlı qadın sürücü idarə etdiyi “Hyundai” markalı avtomaşını aşırıb. Virtualaz.org-un əldə etdiyi məlumata görə, hadisə nəticəsində xəsarət almış sürücü, Bakı şəhər sakini Ruhullayeva Nuriyyə Novruz qızı və onun 8 yaşlı qızı Tehran Salyan Mərkəzi Rayon Xəstəxanasına yerləşdiriliblər. Xəstəxanadan verilən məlumata görə, onlara tibbi-yardım göstərilib və xəsarətləri yüngül olduğundan ambulator müalicəyə göndəriləcəkləri gözlənilir.