Xəzər Əliyev Beyrutda qəzaya düşdü: 20 min dollar istəyirlər.... - FOTO

Beyrutda avtomobil qəzasında dünyasını dəyişən idmançımızın 3 gündür ki, meyiti orada qalıb. Avtosfer.az axar.az-a istinadən xəbər verir ki, bu barədə məlumatı idmançının dostları yayıb. Onların sözlərinə görə, MMA növü ilə məşğul olan idmançımız Xəzər Əliyev Livanın Beyrut şəhərində ağır qəzaya düşüb və dünyasını dəyişib. Hazırda Beyrut şəhər morqunda saxlanılan nəşin ölkəyə gətirilməsi isə problemə çevrilib. İdmançının dostları bildirib ki, xəstəxanadan 12.000 dollar əməliyyat üçün, 7-8 min dollar isə meyitin ölkəsinə göndərilməsi üçün pul tələb edirlər.

İdmançının dostları səlahiyyəti və imkanı olan şəxslərdən X.Əlyevn nəşinin ölkəyə gətirilməsi üçün kömək istəyir. Qeyd edək ki, X.Əliyevin Naxçıvanın Şərur rayonundan olduğu bildirilir. Məlumata görə, uşaqlıqdan atasız qalan idmançı evin tək övladıdır.