Xəzərdə “06”nı vuran nəqliyyat vasitəsi axtarışdadır

Hadisə ötən gecə Maştağa qəsəbəsi, Albalılıq bağ massivində qeydə alınıb. Avtosfer.az-ın salamnews-a istinadən verdiyi məlumata görə, 1983-cü il təvəllüdlü Məlikov Valeh Ağasəf oğlu idarə etdiyi “VAZ 2106” markalı avtomaşınla hərəkətdə olan zaman başqa bir minik maşını onu vuraraq hadisə yerindən qaçıb. Yaralı təcili tibbi yardım maşını ilə 3 saylı şəhər xəstəxanasına gətirilib. İlkin tibbi yardım zamanı Valeh Məlikovda kəllə beyin travması, baş beyinin əzilməsi xəsarətləri aşkar edilib. Reanimasiya şöbəsinə yerləşdirilən yaralının vəziyyəti ağır kimi qiymətləndirilir. Faktla bağlı Xəzər rayon Polis İdarəsində araşdırmalara başlanılıb. Hadisəni törədən avtomaşının müəyyənləşdirilməsi istiqamətində əməliyyat-axtarış tədbirlər həyata keçirilir.