Xırdalanda ağır qəza: 1 ölü, 1 yaralı

Xırdalan şəhərində ağır yol-nəqliyyat hadisəsi baş verib. 

Avtosfer.az xəbər verir ki, Qobu qəsəbə sakini Sahibcan Məlikov idarə etdiyi “VAZ-2106” markalı avtomobili Sumqayıt şəhər sakini Vüqar Hüseynova məxsus yolun kənarında dayanmış “KamAZ” markalı avtomobilə vurub. 

Nəticədə S.Məlikovun sərnişini Rəhman Rəhmanzadə hadisə yerində ölüb, özü isə xəstəxanaya yerləşdirilib.

Faktla bağlı Abşeron Rayon Polis İdarəsi tərəfindən araşdırma aparılır.