Xırdalanda minik maşını traktora çırpıldı - FOTO

Abşeron rayonunda yol-nəqliyyat hadisəsi baş verib. Avtosfer.az musavat-a istinadən bildirir ki, hadisə Xırdalan şəhərinin Heydər Əliyev prospektində qeydə alınıb. Prospektlə hərəkətdə olan "QAZ-3110" markalı minik avtomobili qarşıda yol kənarındakı otları yığmaq üçün dayanan və bələdiyyəyə məxsus qoşqulu traktoru arxadan vurub. Qəza nəticəsində minik avtomobili və traktorun qoşqusu yararsız hala düşüb. 

Hadisə yerinə gələn yol-patrul xidmətinin əməkdaşları ölçü götürüblər. 

İlkin ehtimala görə, qəza minik avtomobilinin yüksək surətlə idarə olunması səbəbindən baş verib. 

Faktla bağlı araşdırma aparılır.