Xocalıda ağır yol qəzası - ANAMA-nın əməkdaşı həlak oldu - FOTO

Xocalı rayonunda ölümlə nəticələnən yol-nəqliyyat hadisəsi baş verib. Avtosfer.az-ın xəbərinə görə, hadisə zamanı ANAMA əməkdaşı Elnur Rüstəmovun idarə etdiyi yük avtomobili hərəkətdə olarkən idarəetmədən çıxaraq aşıb.  Nəticədə sürücü hadisə yerində həyatını itirib. Elnur Rüstəmov əslən Füzuli rayon sakinidir və 3 övladı var. Azərbaycan Respublikasının Minatəmizləmə Agentliyində (ANAMA) sürücü vəzifəsində çalışırmış. Faktla bağlı araşdırma aparılır.

Qeyd edək ki, ANAMA da onun ölümü ilə bağlı məlumat yayıb.