Xocasəndə “şou” göstərmək istəyən gənc sürücü maşını işıq dirəyinə çırpdı - VİDEO

Paytaxtın Binəqədi rayonu, Xocasən qəsəbəsində baş vermiş yol qəzasının görüntüsü “TikTok” sosial platformasında paylaşılıb.

Avtosfer.az-ın məlumatına görə, hadisə bir müddət əvvəl axşam saatlarında qeydə alınıb. Videodan göründüyü kimi, idarəetmədən çıxan “Chevrolet” öncə işıq dirəyinə, ardınca hasara çırpılıb. Qəza zamanı avtomobil yararsız vəziyyətə düşüb, işıq dirəyi sıradan çıxıb. Xoşbəxtlikdən sürücü və sərnişinlər arasında xəsarət alan olmayıb.

Qeyd edək ki, qəzanın görüntüsü sosial şəbəkədə birmənalı qarşılanmayıb. İstifadəçilərin əksəriyyəti sürücünün əl əyləcini çəkmək istəyərkən qəza törətdiyini şərh bölməsində yazıblar.
Sürücü isə cavabında çuxura düşməmək üçün ardıcıl olaraq manevr etdiyini və anidən idarəetməni itirdiyini bildirib. 

Nərmin