Yanğınsöndürən təyyarə qəzaya uğrayıb, pilotlar xəsarət alıb

Türkiyənin Adana şəhərində meşə yanğınını söndürməyə yollanan təyyarə Seyhan gölü üzərində qəzaya uğrayıb. Avtosfer.az-ın məlumatına görə, bu barədə “Habertürk TV” telekanalına bölgənin valisi Yavuz Selim Köşger bildirib. Hadisə nəticəsində pilotlar xəsarət alıblar. "Yanğınsöndürən təyyarənin qəzaya uğraması nəticəsində iki pilot xəsarət alıb. Şəhərdəki meşə yanğınını söndürməyə yollanan təyyarə su götürmək üçün Seyhan gölü üzərində olarkən qəzaya uğrayıb", - o bildirib. O qeyd edib ki, ekipaj dəniz polisi əməkdaşları tərəfindən sahilə çıxarılıb. Biri xarici vətəndaş olan iki pilotun səhhəti yaxşıdır.