Yanğınsöndürənlərin maşını aşdı: 1 ölü, 3 yaralı 

Fransada çağırışa gedən yanğınsöndürənlər yol qəzasına düşüblər. Avtosfer.az "Report"a istinadən xəbər verir ki, çağırışa gedən yanğınsöndürən maşın aşıb. Nəticədə 53 yaşlı yanğınsöndürən dünyasını dəyişib, onun üç həmkarı isə xəsarət alıb.

Onlardan biri ağır vəziyyətdədir. Qəzanın səbəbi hələlik məlum deyil.

Hadisəylə əlaqədar Fransa prezidenti Fransua Olland da başsağlığını ifadə edib.

"Mən bədbəxt hadisə nəticəsində həlak olmuş yanğınsöndürənin və onun xəsarət almış 3 həmkarının qohumlarına həmrəyliyimi ifadə edirəm" – deyə Olland yazıb.