“Yango” taksi yüksək sürətlə qəza törədib ağacı kökündən qopardı - VİDEO

Paytaxtda sürücü məsuliyyətsizliyi səbəbindən növbəti yol-nəqliyyat hadisəsi baş verib.

Avtosfer.az xəbər verir ki, Bakının Binəqədi rayonunda “Toyota Aqua” markalı 77-YA-581 qeydiyyat nişanlı taksi avtomobili qəza törədib. Hadisə rayonun Abay Kunanbayev küçəsində “Dərnəgül” Nəqliyyat Mübadilə Mərkəzinin yaxınlığında baş verib.

Minik avtomobilinin sürücüsü nəqliyyat vasitəsinin idarəetməsini itirərək səkidəki plakata və ağaca çırpıb. Görüntülər sosial şəbəkədə yayılıb. Şahidlərin bildirdiyinə görə sürücü nəqliyyat vasitəsini yüksək sürətlə idarə edirmiş. Sürücünün psixotrop maddənin təsiri altında olması da istisna edilmir.

Avtomobilin həm də “perekitka” edilməsi mümkün olan nəqliyyat vasitəsi modellərindən olması belə ağır qəza hallarının yaranmasına səbəb olur.

Səfər