Yardım daşıyan hərbi helikopter qəzaya uğradı

Meksikanın Çyapas ştatında zəlzələ nəticəsində zərər çəkənlərə humanitar yardım daşıyan hərbi helikopter qəzaya uğrayıb. Avtosfer.az-ın Trend-ə istinadən verdiyi məlumata görə, bu haqda Meksikanın milli qəza-xilasetmə xidmətinin rəhbəri Felipe Puente Twitter səhifəsində yazıb. Onun sözlərinə görə, hadisə nəticəsində ölən yoxdur. Helikopterdə olan 7 sərnişindən 3-ü yaralanıb, onlara tibbi yardım göstərilib.