Yarışa çıxan sürücü piyadalara təhlükə yaradıb maşını “07”yə çırpdı - ANBAAN VİDEO

Gəncədə baş vermiş qəza anbaan kameraya düşüb.
Avtosfer.az-ın məlumatına görə, hadisə aprelin 9-u saat 19:54 radələrində qeydə alınıb. Videodan göründüyü kimi, “VAZ-2115” markalı avtomobil, “VAZ-2107” markalı maşınla toqquşub. Hadisə şahidlərinin iddiasına əsasən, qəzaya səbəb sürücünün hərəkətdə olan “VAZ-2107” markalı maşınla yarışa çıxaraq sürət həddini aşması olub. Belə ki, avtomobili yüksək sürətlə idarə edən sürücü yolda olan çuxuru son anda görüb və manevr etmək istəyib. Lakin o, idarəetməni itirərək maşını səkidə dayanmış piyadaların üzərinə sürüb. Daha sonra isə yol kənarında park edilmiş maşına çırpıb. Hadisə zamanı xəsarət alan olmasa da nəqliyyat vasitələrinə maddi ziyan dəyib.

Nərmin