Yasamalda “KIA” sürücüsü “Prius”u vurub tunelin divarına çırpdı - VİDEO

Paytaxtın Yasamal rayonunda yol-nəqliyyat hadisəsi baş verib. Avtosfer.az-ın məlumatına görə, qəza oktaybrın 1-də səhər saatlarında Kənar dairəvi yolla İpək yolunun kəsişməsində qeydə alınıb. Belə ki, hərəkətdə olan taksi fəaliyyətiylə məşğul olan  99-HJ-975 dövlət nömrə nişanlı “KIA” markalı avtomobil, “Toyota Prius” markalı maşınla toqquşub.

Şahidlərin iddiasına əsasən, qəzaya səbəb  KİA sürücüsünün anidən idarəetməni itirməsi olub. Nəticədə “Prius” zərbənin təsirindən tunelin kənarına çırpılıb. Hadisə zamanı nəqliyyat vasitələrinə maddi ziyan dəyib. Xəsarət alan olmayıb.

Qeyd edək ki, faktla bağlı araşdırma davam edir.

Nərmin