Yasamalda qəza: “KIA” “07”ni dəfələrlə vuraraq tanınmaz hala saldı - VİDEO

Paytaxtın Yasamal rayonunda yol-nəqliyyat hadisəsi baş verib.
Avtosfer.az-ın məlumatına görə, qəza dünən (10 yanvar) günorta saatlarında Yeni Yasamal yaşayış massivində qeydə alınıb. Belə ki, hərəkətdə olan 77-MF-270 dövlət nömrə nişanlı “KIA” markalı avtomobil, 31-BG-162 dövlət nömrə nişanlı “VAZ-2107” markalı maşınla toqquşub. Hadisə şahidlərinin iddiasına əsasən, qəzaya səbəb “KIA” sürücüsünün qayda pozması olub. Nəticədə o, “VAZ”a çırpılaraq nəqliyyat vasitəsini sıradan çıxarıb. Hadisə zamanı 2 nəfər xəsarət alıb.

Qeyd edək ki, Bakı şəhər Dövlət Yol Polisi İdarəsinin bölmə rəisi, polis kapitanı Toğrul Nəsirli Avtosfer.az-a bildirib ki, qəza ilə bağlı DYP tərəfindən araşdırma aparılır. Nəticələrə uyğun olaraq hadisəyə hüquqi qiymət veriləcək.

Nərmin