Yaşlı kişini maşınla vuran sürücü hadisə yerindən qaçdı - FOTO
Qəzalar
18 Noyabr 2016 01:31
Oxunub 1377
Sürücünün axtarışı istiqamətində tədbirlər davam etdirilir
Lənkəran rayonunda piyada ölümü ilə nəticələnən yol-nəqliyyat hadisəsi baş verib. Hadisə Lənkəran şəhəri, Ləvəngi dairəsi yaxınlığında qeydə alınıb. Belə ki, Bakıdan gələn gəlinini avtovağzalda qarşılamaq üçün gedən Lənkəran şəhəri, Zərifə Əliyeva küçəsi, Dalan 2, ev 22 ünvanında yaşayan 78 yaşlı Müzəffər Sayaz oğlu Əliyev avtomobil tərəfindən vurulub və o, hadisə yerində dünyasını dəyişib. Piyadanı vurub, hadisə yerindən qaçan "Qrand Tiqer" markalı 90zl306 dövlət nömrə-nişanlı avtomaşının sürücüsü, Ucar rayon sakini Qasımov Kənan Vidadi oğlu saxlanılıb. M.Əliyev Lənkəran Rayon Mərkəzi Xəstəxanasına aparılıb. Meyit Səhiyyə Nazirliyinin Məhkəmə-Tibbi Ekspertiza və Pataloji Anatomiya Birliyi Mərkəzinin Lənkəran şöbəsinə təhvil verilib.
Faktla bağlı araşdırma aparılır.
"Report"
ŞƏRH YAZ
DİGƏR XƏBƏRLƏR
