Yaşlı qadını maşın vuraraq öldürüb - Yasamalda

Bakının Yasamal rayonunda bir nəfərin ölümü ilə nəticələnən yol qəzası baş verib. Avtosfer.az “Report”a istinadən xəbər verir ki, rayon ərazisində yolu keçmək istəyən 65 yaşlı qadını minik avtomobili vurub. Sürücü yaralını 1 saylı Kliniki Tibbi Mərkəzə yerləşdirib. Həkimlərin səyinə baxmayaraq o, dünyasını dəyişib. Sürücü məsuliyyətə cəlb edilib. Faktla bağlı Yasamal Rayon Polis İdarəsində araşdırma aparılır.