Yeni aldığı “Tesla”nı işıq dirəyinə çırpdı: 2 tibb işçisi maşında yandı – FOTO - VİDEO

Tibb işçisi yeni aldığı “Tesla” ilə ağır yol qəzasına düşüb. Avtosfer.az xəbər verir ki, hadisə iyulun 11-də gecə saatlarında Türkiyənin Malatya şəhərində baş verib.

Belə ki, Ozan Uçarın idarə etdiyi 34-U-0047 dövlət nömrə nişanlı “Tesla” markalı minik avtomobili idarəetmədən çıxaraq yol kənarındakı işıq dirəyinə çırpılıb. Zərbənin təsirindən avtomobil iki yerə bölünərək yanıb. Hadisə yerinə yanğınsöndürən, təcili tibbi yardım və polis qrupları cəlb edilib. 

Yanğınsöndürənlərin bütün səylərinə baxmayaraq avtomobilin 33 yaşlı sürücüsü Ozan Uçar və onun sərnişini 31 yaşlı Uğur Uğraş yanaraq ölüblər.

Yerli medianın məlumatına görə, Ozan Uçar "Tesla" markalı avtomobili bu yaxınlarda alıb. Bundan əlavə, dünyasını dəyişənlər Turqut Özal Tibb Mərkəzinin əməkdaşları olublar.

Faktla bağlı cinayət işi açılıb, araşdırma aparılır.

Namiq Musayev