Yevlaxda AĞIR QƏZA: İki nəfər ÖLDÜ - FOTO - YENİLƏNİB

Yevlaxda baş vermiş yol-nəqliyyat hadisəsində ölənlərin şəxsiyyəti məlum olub.

Avtosfer.az xəbər verir ki, qəza nəticəsində həyatını itirənlər 1996-cı il təvəllüdlü Emil Qurban oğlu Paşayev və 2002-ci il təvəllüdlü Oruc Aydın oğlu Məmmədovdur.

Ölənlərin hər ikisinin avtomobil ustası olduğu bildirilir./oxu.az

***27 oktyabr, 16:00
Yevlax rayonunda baş verən yol-nəqliyyat hadisəsi iki nəfərin ölümü ilə nəticələnib.

Avtosfer.az qafqazinfo-ya istinadən xəbər verir ki, hadisə Qaraoğlan kəndindən keçən yolda qeydə alınıb.

“BMW” markalı avtomobil sürücünün idarəetməsindən çıxaraq aşıb. Qəza nəticəsində ağır xəsarətlər alan iki kişi Yevlax Rayon Mərkəzi Xəstəxanasının Təcili tibbi yardım şöbəsinə çatdırılıb.

Həkimlərin apardığı reanimasiya tədbirlərinə baxmayaraq, kəllə-beyin travması və baş nahiyəsinin açıq yaraları olan hər iki şəxsin həyatını xilas etmək mümkün olmayıb.

Faktla bağlı araşdırma aparılır.