Yevlaxda avtomobil aşıb, xəsarət alanlar var

Yevlaxda avtomobilin aşması ilə nəticələnən yol qəzası baş verib. Avtosfer.az "Report"a istinadən bildirir ki, hadisə Yevlax rayonu ərazisində, Mingəçevir-Xaldan avtomobil yolunun 7-ci kilometrliyində baş verib. Belə ki, idarəetmədən çıxan "Mersedes" markalı avtomobil yolun kənarına aşıb. Nəticədə "Mersedes"in sürücüsü-Mingəçevir sakini Anar Musayev və avtomobildə olan sürücünün bacısı uşaqları -3 azyaşlı uşaq müxtəlif dərəcəli bədən xəsarətləri ilə xəstəxanaya çatdırılıb. Müayinə zamanı uşaqların yüngül, sürücünün isə ciddi xəsarət aldığı müəyyən edilib.

Faktla bağlı arşdırma aparılır.