Yevlaxda qəza - Təhlükəsizlik kəməri sürücünü xilas etdi

Yevlax rayonunda 3 nəfərin xəsarət alması ilə nəticələnən yol qəzası baş verib. Avtosfer.az-ın lent.az-a istinadən məlumatına görə, rayon ərazisində "Mercedes" markalı minik avtomobili sürücünün idarəetməsindən çıxaraq aşıb. Nəticədə sürücü təhlükəsizlik kəməri taxdığından xəsarət almadan canını qurtarıb. Avtomobildə olan 26 və 36 yaşlı iki qadın, eləcə də 6 yaşlı uşaq müxtəlif dərəcəli xəsarətlər alıb və xəstəxanaya yerləşdirilib. Faktla bağlı araşdırma aparılır.