Yol hərəkəti qaydasını pozan sürücü qəza törətdi - Bakıda

Bakıda yol hərəkəti qaydasını pozan sürücü qəza törədib. Avtosfer.az-ın "Report"a istinadən xəbərinə görə, hadisə paytaxtın Binəqədi rayonu, Biləcəri qəsəbəsində qeydə alınıb. Belə ki, "BMW" markalı avtomobilin sürücüsü yol hərəkəti qaydasını pozaraq qoşa xəttin üzərindən keçərək əks istiqamətə hərəkət edən zaman "Mercedes" markalı avtomobil ona çırpılıb. Nəticədə hər iki avtomobil deformasiyaya uğrayıb. Əraziyə Dövlət Yol Polisi İdarəsinin Binəqədi Rayon Şöbəsinin əməkdaşları cəlb edilib, araşdırma aparılır.