Yol kənarında park olunmuş maşın partladı: 11 ölü, 36 yaralı – FOTO + VİDEO 

İstanbulda terror aktı törədilib.  Avtosfer.az Türkiyə KİV-lərinə istinadən xəbər verir ki, Bəyazitdə polis avtobusuna istiqamətlənmiş hücum həyata keçirilib. Məlumata görə, polis avtobusu yolu keçərkən yol kənarında park olunmuş maşın partladılıb. Terror aktı nəticəsində yaralananlar var. Hadisə yerinə çox sayda təcili tibbi yardım maşını cəlb edilib.

11:20

***

İstanbulda baş verəb terror aktı nəticəsində ölənlərin də olduğu bildirilir. Avtosfer.az yerli KİV-lərə istinadən xəbər verir ki, partlayış nəticəsində ətrafdakı iş yerləri və bəzi maşınlar zərər görüb. Polis, zədə meydana gəlmiş iş yerlərini boşaldır. Məlumata görə, polis maşını yolu keçərkən yol kənarında parklanmış bomba yüklü maşın uzaqdan idarəetmə ilə partladılıb.

10:00

***

İstanbul valisi Vasip Şahin terror aktı nəticəsində ölən və yaralananların sayını açıqlayıb. Avtosfer.az Türkiyə KİV-lərinə istinadən xəbər verir ki, İstanbul valisi partlayış nəticəsində 11 nəfərin öldüyünü bildirib. Onun sözlərinə görə, ölənlərdən 7-si polis, 4-ü isə mülki vətəndaşdır. Hadisə nəticəsində 36 nəfər yaralanıb, onlardan 3-ünün vəziyyəti ağırdır.