Yol nişanına məhəl qoymayan “TIR” sürücüsü qəza törətdi - VİDEO

Abşeron rayonu, Atyalı qəsəbəsində yol-nəqliyyat hadisəsi baş verib.

Baş Dövlət Yol Polisi İdarəsindən Avtosfer.az-ın sorğusuna cavab olaraq bildirilib ki, qəza avqustun 12-də saat 15:43 radələrində Şamaxı-Yevlax yolunun 16-cı kilometrliyində qeydə alınıb: “Belə ki, Məhərrəmov Vüsal Əbülfəz oğlunun idarə etdiyi 90-ZR-627 dövlət nömrə nişanlı “TIR” markalı yük maşını,   Məmmədov Eyvaz Şəkixan oğlunun idarə etdiyi 77-NJ-861 dövlət nömrə nişanlı “Volkswagen” markalı avtomobillə toqquşub. Qəzaya səbəb “TIR” sürücüsünün yol nişanının tələbinə riayət etməməsi olub. Hadisə zamanı xəsarət alan olmasa da hər iki nəqliyyat vasitəsinə maddi ziyan dəyib”.

Qeyd edək ki, faktla bağlı araşdırma davam edir.

Nərmin