Yol polisi piyada keçidində skuter sürən kuryeri vurub öldürdü - VİDEO

Polis maşını piyada keçidində skuterli kuryeri vurub öldürüb. Avtosfer.az xəbər verir ki, Rusiyanın paytaxtı Moskvada baş verən hadisənin görüntüləri kameraya düşüb. Belə ki, səs siqnalı və sayrışan işıqları qoşulu olan yolun əks istiqaməti ilə hərəkət edən yol polisi avtomobili piyada keçidindən keçən elektrikli skuter sürən kuryeri vurub. Zərbənin təsirindən kuryer bir neçə metr havada uçaraq asfalta düşüb, skuter isə hissələrə ayrılaraq ətrafa səpələnib. Qəza nəticəsində kuryer aldığı xəsarətlərdən ölüb. 
Faktla bağlı araşdırma aparılır. 
Sözügedən hadisənin anbaan videosunu təqdim edirik:

Namiq Musayev