Yol qəzaları yenə can aldı

Noyabrın 28-də saat 08 radələrində Quba rayonunun Pirvahid kəndində bədbəxt hadisə baş verib. Avtosfer.az-ın Daxili İşlər Nazirliyinin saytına istinadən verdiyi məlumata görə, rayon sakini Əlfi Qasımov idarə etdiyi  "Audi" markalı avtomobillə yolu keçən həmyerlisi İlham İdrisovu vurub. Xəstəxanaya yerləşdirilmiş İ.İdrisov orada ölüb.

Baş İstintaq və Təhqiqat İdarəsi tərəfindən araşdırma aparılır.

Həmin gün ölümlə nəticələnən daha bir yol-nəqliyyat hadisəsi Gəncə şəhəri ərazisində olub. Şəhər sakini Elşən Abbasəliyev idarə etdiyi "Mercedes" markalı avtomobillə yolu keçən Kəlbəcər rayon sakini Rac Xəlilovu vurub. R.Xəlilov xəstəxanaya aparılarkən yolda dünyasını dəyişib.

Kəpəz RPİ tərəfindən araşdırma aparılır.