Yol qəzasında 14 yaşlı oğlan xəsarət alıb - Salyanda

Salyanda 1 nəfərin xəsarət alması ilə nəticələnən yol qəzası baş verib. Avtosfer.az xəbər verir ki, bu barədə “Report”un Aran bürosunun məlumatına görə, hadisə rayonun “Süd zavodu” deyilən ərazisində qeydə alınıb.

Belə ki, Arbatan kənd sakini Elşad Əliyev idarə etdiyi “Jiquli” markalı avtimobillə hərəkətdə olarkən qarşıda dayanmış digər avtomobilə çırpılıb. Nəticədə sürücünün 14 yaşlı oğlu alın nahiyəsindən müxtəlif dərəcəli xəsarətlər alıb. 

Yaralı Salyan Mərkəzi Rayon Xəstəxanasına çatdırılıb və ilk tibbi yardım göstərildikdən sonra ambulator müalicəyə buraxılıb.

Faktla bağlı araşdırma aparılır.