Yol qəzasında bir ailənin üç üzvü xəsarət alıb - Bakıda

Bakıda ağır yol-nəqliyyat hadisəsi baş verib. Avtosfer.az "Report"a istinadən xəbər verir ki, qəza Bakı-Qazax avtomobil yolunun 61-ci kilometrliyində, Qaradağ rayonunun Ələt qəsəbəsindən keçən hissəsində qeydə alınıb. 

Belə ki, 1951-ci il təvəllüdlü Sahib Sadıqov idarə etdiyi "VAZ 2107" markalı avtomobillə hərəkətdə olarkən idarəetməni itirib və yol kənarındakı dəmir arakəsməyə çırpılıb. 

Nəticədə sərnişinlər - 1990-cı il təvəllüdlü Saniyyə Sadıq qızı Sadıqova, 59 yaşlı Nisə Sadıqova və sürücü Sahib Sadıqov ağır bədən xəsarətlər ilə 1 saylı Şəhər Kliniki Xəstəxanasına çatdırılıblar.

Faktla bağlı araşdırma aparılır.

Qeyd edək ki, xəsarət alan hər üç şəxs bir ailənin üzvləridir.