Yol qəzasında xəsarət alan piyada xəstəxanada öldü - Sabirabadda

Sabirabad rayonunda yol-nəqliyyat hadisəsi zamanı xəsarət alan piyada xəstəxanada ölüb. Avtosfer.az "Report"a istinadən xəbər verir ki, hadisə mayın 5-də rayonun Ulacalı kəndi ərazisində baş verib. Belə ki, həmin kəndin sakini Səməndər Alışov idarə etdiyi "VAZ-21214" markalı avtomobillə yolu keçən həmkəndlisi Səid Hüseynovu vurub. Xəstəxanaya yerləşdirilən S.Hüseynov orada ölüb. Faktla bağlı araşdırma aparılır.