Yol qəzasında xəsarət alan şəxslər bir neçə gün sonra ölüb

Bakı və Cəlilabadda yol-nəqliyyat hadisəsi zamanı xəsarət alan şəxslər ölüb. Avtosfer.az-ın DİN-in saytına istinadən verdiyi məlumata görə, iyunun 24-də Xətai rayonunun Sarayev küçəsində Bakı şəhər sakini Ramin Əliyev idarə etdiyi "VAZ-21074" markalı avtomobillə yolu keçən Hövsan qəsəbə sakini Əlisa Əliyevi vurub. Piyadaya xəstəxanada ilkin tibbi yardım göstərildikdən sonra buraxılıb və iyulun 1-də yaşadığı mənzildə ölüb. İyun ayının 6-da isə Cəlilabad rayonunun Ağdaş kənd sakini Cavad Cavadov idarə etdiyi "Mercedes" markalı avtomobili yolun kənarındakı ağaca vurub. Nəticədə xəstəxanaya yerləşdirilən sürücü iyulun 1-də orada ölüb. Hər iki faktla bağlı araşdırma aparılır.