Yol terroru davam edir: 3 ölü, 23 yaralı

Daxili İşlər Nazirliyi ölkədə baş vermiş ağır yol qəzaları ilə bağlı məlumat yayıb. Avtosfer.az nazirliyin saytına istinadən xəbər verir ki, iyunun 23-də saat 16 radələrində Ucar rayonunun Türkəçi kəndində rayon sakini Zakir Bəkirov idarə etdiyi “VAZ-2107” markalı avtomobili yolun kənarındakı ağaca vurub. Nəticədə sürücü  və sərnişinlərindən Soltanəli İbrahimov hadisə yerində ölüb, digər 2 sərnişini xəstəxanaya yerləşdirilib. Ucar RPŞ tərəfindən araşdırma aparılır.

Bundan başqa iyunun 23-də saat 23 radələrində Cəlilabad rayonunun Qədirli kəndində rayon sakinləri Mais Əzizovun idarə etdiyi “VAZ-2106” və Davud Səfərovun idarə etdiyi “Mercedes” markalı avtomobillər toqquşub. Nəticədə M.Əzizov və sərnişinləri - bacısı Rəsmiyyə, Mahirə Cəfərova və Məlahət Əzizova xəstəxanaya yerləşdirilib, M.Əzizova orada ölüb. Cəlilabad RPŞ tərəfindən araşdırma aparılır.

*****

11:08

Son bir gün ərzində Azərbaycanda baş vermiş yol qəzalarında 3 nəfər həyatını itirib. Lent.az-ın məlumatına görə, iyunun 13-də ölkədə ümumilikdə 13 yol qəzası qeydə alınıb. Nəticədə həyatını itirən 3 nəfərdən başda daha 23 nəfər də yaralanıb. Ölümlə nəticələnən yol qəzaları Ucar və Cəlilabadda baş verib. Ucarda "VAZ 2107"nin ağaca çırpılması 2 nəfərin ölümü, 2 nəfərin isə yaralanmasına səbəb olub. Cəlilabadda baş vermiş toqquşmada isə 1 nəfər ölüb, daha 3 nəfər isə xəsarət alıb.

Hər bir faktla bağlı araşdırma aparılır.