Yolayrıcını keçmə qaydasına məhəl qoymayan sürücü qəzaya səbəb oldu - VİDEO

Xaçmaz rayonunun Qusarçay kəndi ərazisində yol-nəqliyyat hadisəsi baş verib.

Avtosfer.az xəbər verir ki, bununla bağlı videogörüntü yayımlanıb.

Məsələ ilə bağlı Baş Dövlət Yol Polisi İdarəsinin (BDYPİ) rəsmisi, polis polkovnik-leytenantı Mübariz Ağayev açıqlamasında bildirib ki, hadisə ötən gün saat 17:00-da baş verib.

"Belə ki, Gəndov-Yalama avtomobil yolunun Qusarçay kəndi ərazisindən keçən 41-ci kilometrliyində Xaçmaz rayon sakini Nəcməddin Hətəm oğlu Başaratovun idarə etdiyi VAZ-2199 markalı, 27-BM-052 dövlət qeydiyyat nişanlı avtomobillə Kəlbəcər rayon sakini Rəşad Nazim oğlu Qəhrəmanovun idarə etdiyi VAZ-2107 markalı, 32-BD-269 dövlət qeydiyyat nişanlı avtomobillər toqquşub.

Qəzada xəsarət alan olmayıb.

İlkin ehtimala görə, hadisənin baş verməsinə səbəb VAZ-2199 markalı avtomobilin sürücüsü Nəcməddin Başaratovun yolayrıcını keçmə qaydalarını pozması olub. Faktla bağlı araşdırma aparılır".

(oxu.az)