Yolda qalan xanım sürücü “TIR”la toqquşaraq dəhşətli qəzaya düşdü - VİDEO

Ələt-Astara yolunun 73-cü kilometrliyində, Salyan rayonu ərazisində ağır yol-nəqliyyat hadisəsi baş verib. 

Avtosfer.az-ın məlumatına görə, qəza avqustun 8-də səhər saatlarında qeydə alınıb. Hərəkətdə oıam 99-ZA-864 dövlət nömrə nişanlı “TIR”, “Chevrolet Cruze” markalı avtomobillə toqquşub. Şahidlərin iddiasına əsasən, qəzaya səbəb maşının yanacağının bitməsi olub. Belə ki, yük maşını yolda qalan avtomobilə çırpılaraq onu yararsız vəziyyətə salıb. Hadisə zamanı xanım sürücü və maşındakı qadın sərnişin müxtəlif dərəcəli xəsarətlər alıb. Yaralılar xəstəxanaya yerləşdirilib.

Qeyd edək ki, hadisə yerinə DYP əməkdaşları cəlb olunub. Faktla bağlı araşdırma davam edir. 

Nərmin