Yolu keçən piyadanı maşın vurdu - Sümükləri sındı

Gəncə sakini 33 yaşlı Zamin Binnətov yolu keçmək istərkən avtomobil vurub. Avtosfer.az kəpəztv-yə istinadən xəbər verir ki, hadisə Gəncə şəhərinin Şah İsmayıl Xətai prospektində baş verib. Yaralı dərhal Abbas Səhət adına 1 nömrəli şəhər xəstəxanasının travmatologiya şöbəsinə gətirilib. Müayinə zamanı ona çanaq sümüyünün sınığı və sol əlin qırığı, əzniyi diaqnozu qoyulub. Yaralıya tibbi yardım göstərildikdən sonra palataya yerləşdirilib.

Faktla bağlı araşdırma aparılır.