Yolu keçən qadını maşın vuraraq öldürüb - Naxçıvanda

Naxçıvanda ölümlə nəticələnən yol qəzası baş verib. Daxili İşlər Nazirliyinin mətbuat xidmətindən Avtosfer.az-a verilən məlumata görə, oktyabrın 23-də saat 19 radələrində Naxçıvan şəhəri ərazisində Ordubad rayon sakini Kamran İsmayıllı idarə etdiyi “VAZ-21074” markalı avtomobillə yolu keçən şəhər sakini Turqayə Əliyevanı vurub. Nəticədə xəstəxanaya yerləşdirilən T.Əliyeva oktyabrın 24-də orada ölüb. Naxçıvan Şəhər Polis İdarəsi tərəfindən araşdırma aparılır.