Yolu keçən şəxsi vurub qaçdı

Bu gün axşam saatlarında Xaçmaz rayonunda yol-nəqliyyat hadisəsi baş verib. Avtosfer.az-ın APA-ya istinadən məlumatına görə, hadisə rayonun Qımılqışlaq kəndi ərazisində qeydə alınıb. Yolu keçmək istəyən piyada 1984-cü il təvəllüdlü Adayev Bəhruz Məhəmməd oğlunu maşın vurub. Xəsarət alan şəxs Xaçmaz Mərkəzi Rayon Xəstəxanasına yerləşdirilib, vəziyyəti orta ağırdır. Hadisəni törədən avtomobilin sürücüsü qəzadan sonra ərazidən uzaqlaşıb.

Faktla bağlı araşdırmalar davam etdirilir.