Yolu keçmək istəyən gənci avtomobil vurub - Bakıda

Bakıda yolu keçmək istəyən gənci maşın vurub. Avtosfer.az-ın “Report”a istinadən xəbərinə görə, hadisə Nəsimi rayonunda qeydə alınıb. Belə ki, "Azadlıq" prospekti ilə Dilarə Əliyeva küçəsinin kəsişməsində taksi xidməti ilə məşğul olan 10-PU-931 dövlət nömrə nişanlı “VAZ” markalı avtomobil yolu keçmək istəyən 20-25 yaşlarında olan gənci vurub. Sürücü yaralını xəstəxanaya çatdırıb. Faktla bağlı araşdırma aparılır.