Yolu keçmək istəyən kişini vuran sürücü hadisə yerindən qaçdı - Bakıda
Qəzalar
12 Noyabr 2016 10:15
Oxunub 1156
Xəsarət alan 51 yaşlı kişi ərazidəki şəxslərin köməkliyi ilə xəstəxanaya çatdırılıb və əməliyyat olunub
Nərimanov rayonunda yolu keçmək istəyən kişini vuran sürücü hadisə yerindən qaçıb. Avtosfer.az "Report"a istinadən xəbər verir ki, hadisə Şəmsi Rəhimov küçəsində yerləşən "Kral" şadlıq evinin qarşısında baş verib.
1965-ci il təvvəllüdlü Hacıyev Əli Tofiq oğlu yolu keçmək istəyən zaman onu naməlum avtomobil vurub.
Ə.Hacıyev ərazidəki şəxslərin köməkliyi ilə xəstəxanaya çatdırılıb və əməliyyat olunub.
Faktla bağlı Nərimanov Rayon Polis İdarəsində (RPİ) araşdırma aparılır. Hadisəni törətmiş sürücünün müəyyən edilməsi istiqamətində tədbirlər görülür.
ŞƏRH YAZ
DİGƏR XƏBƏRLƏR
